Kamil Nəcəfzadə
rəssam
(29.12.1929 – 29.06.2011)
Kamil Nəcəf oğlu Nəcəfzadə Lənkəranda anadan olub. Əzim Əzimzadə adına Rəssamlıq Məktəbində (1943-1948), Ümumittifaq Dövlət Kinematoqrafiya İnstitutunun kino rəssamlığı fakültəsində (1949-1955) təhsil alıb. 1955-ci ildən “Azərbaycanfilm” kinostudiyasında quruluşçu rəssam kimi fəaliyyətə başlayıb. Azərbaycan Milli Dram Teatrının səhnəsində Hüseyn Cavidin “Knyaz” (1964), Rus Dram Teatrının səhnəsində Səməd Vurğunun “Fərhad və Şirin” (1974) tamaşalarına tərtibat verib. Azərbaycan Mədəniyyət və İncəsənət Universitetinin və Azərbaycan Rəssamlıq Akademiyasının professoru olub, ömrünün sonunadək yaradıcılıqla pedaqoji fəaliyyəti uğurlu şəkildə əlaqələndirib. Əməkdar incəsənət xadimi (1976), Çeçen-İnquş Əməkdar incəsənət xadimi (1964), Xalq rəssamı (1987), iki dəfə Dövlət mükafatı laureatı (1980, 1985), “Şöhrət” ordeni laureatı Kamil Nəcəfzadə 2011-ci ildə vəfat edib.
Rəssam Kamil Nəcəfzadə rejissor Şamil Nəcəfzadənin atasıdır.
- http://www.anl.az/down/meqale/xalqqazeti/2010/yanvar/101925.htm
- https://aki.az/kamil-n%C9%99c%C9%99fzad%C9%99-90/
- https://az.trend.az/azerbaijan/culture/3157371.html
- https://culture.gov.az/az/umumi-xeberler/11394
- https://sesqazeti.az/news/culture/303334.html
FILMOQRAFIYA:
- Qara daşlar (1956, bədii film) – rəssam
- Bir məhəllədən iki nəfər (1957, bədii film) – rəssam
- Uzaq sahillərdə (1958, bədii film) – rəssam
- Əsl dost (1959, bədii film) – rəssam
- Bizim küçə (1961, bədii film) – rəssam
- Matteo Falkone (1961, bədii film) – rəssam
- Əmək və qızıl gül (1962, bədii film) – rəssam
- Kimi daha çox sevirik – Zirvə (1964, bədii film, kinoalmanax) – rəssam
- Ulduz (1964, bədii film) – rəssam
- Su ərizəsi (1965, bədii film) – rəssam
- Sən niyə susursan? (1966, bədii film) – rəssam
- Mən ki, gözəl deyildim (1968, bədii film) – rəssam
- Bir cənub şəhərində (1969, bədii film) – rəssam, geyim rəssamı
- Abşeron ritmləri (1970, sənədli film) – rəssam
- Azərbaycan incəsənəti (II) (1970, sənədli film) – rəssam
- Ən vacib müsahibə (1971, bədii film) – rəssam
- Var olun, qızlar (1972, bədii film) – rəssam, geyim rəssamı
- Cırtdanın yeni sərgüzəşti (1973, animasiya filmi) – rəssam
- Səmt küləyi (1973, bədii film) – rəssam
- Dörd bazar günü (1975, bədii film) – rəssam
- Firəngiz (1975, bədii film) – rəssam
- Ad günü (1977, bədii film) – rəssam
- Bayquş gələndə… (1978, bədii film) – rəssam
- Od içində (1978, bədii film) – rəssam
- Bizi bağışlayın (1979, bədii film) – rəssam
- Qızıl uçurum (1980, bədii film) – rəssam
- Birisigün, gecəyarısı… (1981, bədii film) – rəssam
- Tənha narın nağılı (1984, bədii film) – rəssam, geyim rəssamı
- Bağ mövsümü (1985, bədii film) – rəssam
- Qanlı zəmi (1985, bədii film) – rəssam
- Sürəyya (II) (1987, bədii film) – rəssam
- Doğma sahillər (1989, bədii film) – rəssam
- Lətifə (1989, bədii film) – rəssam
- Gecə qatarında qətl (1990, bədii film) – rəssam
- Prima (1994, sənədli film) – rəssam