Cəmil Fərəcov
rejissor
(13.02.1946 – 01.08.2023)
Cəmil Əliqulu oğlu Fərəcov 13 fevral 1946-cı ildə Bakıda ziyalı ailəsində anadan olub. 1964-cü ildə Bakıda 34 nömrəli orta məktəbin 10-cu sinfini bitirəndən sonra M.Əzizbəyov adına Azərbaycan Neft və Kimya İnstitutunun neft-mədən fakültəsinə qəbul olunub və 1969-cu ildə oranı bitirib. Təhsil illərində kinoya və teatra həvəs göstərib – institutun həvəskar kinostudiyasının və “Spektr” adlı tələbə teatrının təşkilatçılarından biri olub. Elə həmin il Leninqrad Dövlət Teatr, Musiqi və Kinematoqrafiya İnstitutunun televiziya rejissorluğu fakültəsinin qiyabi şöbəsinə daxil olmuş və 1974-cü ildə bitirmişdir. 1970-ci ildən C.Cabbarlı adına “Azərbaycanfilm” kinostudiyasının sənədli filmlər birliyində rejissor kimi fəaliyyətə başlayıb. Milli kinoda çalışdığı müddətdə onlarla sənədli filmlərin, “Mozalan” satirik kino jurnalı üçün süjetlərin, “Arvadım mənim, uşaqlarım mənim” bədii televiziya filminin, xronikal kino jurnallarının rejissoru və ssenari müəllifi olub. 1984-cü ildən 1990-cı ilə qədər “Azərbaycanfilm” kinostudiyasının partiya təşkilatının katibi, 1990-cı ildən 1995-ci ilə qədər Mərkəzi Seçki Komissiyasının üzvü kimi fəaliyyət göstərib. Həmin illər ərzində kinostudiyada müxtəlif rəhbər vəzifələrdə çalışıb.
1973-cü ildən SSRİ Kinematoqrafçılar İttifaqının üzvüdür.
1989-cu ildə Azərbaycan Respublikasının Əməkdar İncəsənət Xadimi fəxri adına layiq görülüb.
1997-2002-ci illərdə “Yaddaş” sənədli filmlər studiyasının bədii rəhbəri və direktoru olub.
1998-ci ildən Azərbaycan Kinematoqrafçılar İttifaqının katibidir.
2002-2006-cı illərdə Azərbaycan Respublikasının Mədəniyyət Nazirliyinin Kino İşləri Baş idarəsinin müdiri, 2006-2012-ci illərdə Mədəniyyət və Turizm Nazirliyinin Kinematoqrafiya şöbəsinin sektor müdiri vəzifələrində çalışıb.
1999-cu ildən Azərbaycan Professional Kinorejissorlar Gildiyasının üzvüdür. Rejissor Cəmil Fərəcov 01 avqust 2023-cü ildə vəfat edib.
FİLMOQRAFİYA:
1970 – “Xəzinə” (bədii) – quruluşçu rejissor
1971 – “Ağır şkaf” (bədii) – quruluşçu rejissor
1971 – “Usta” (kurs işi) – ssenari müəllifi və rejissor
1972 – “Azərbaycan məktəbi yüksəlişdə” (sənədli) – rejissor
1972 – “Mikayıl Abdullayev” (sənədli) – rejissor
1972 – “Yadigar” – (sənədli) rejissor
1972 – “Suvenir” (sənədli) – rejissor
1973 – “Musaküçə kəndinin sakinləri” (sənədli) – rejissor
1974 – “Neft və qaz çıxarılan rayonlarda qəza-xilasedici və bərpa işləri” (sənədli) – rejissor
1975 – “Azərbaycan – 75” (sənədli) – rejissor, ssenari müəllifi
1975 – “Qızıl balıq” (sənədli) – rejissor
1975 – “Yeraltı əhvalat” (sənədli) – rejissor
1976 – “Azərbaycanda dəniz səyahəti” (sənədli) – rejissor, ssenari müəllifi
1976 – “Həmrəylik məşəli” (sənədli) – rejissor
1977 – “Zamanın əsas yolu” (sənədli) – rejissor
1978 – “Arvadım mənim, uşaqlarım mənim” (bədii) – quruluşçu rejissor
1978 – “Od əsgərləri” (sənədli) – rejissor
1979 – “Faytonçu” (sənədli) – rejissor
1979 – “Sənin həyat mövqeyin” (sənədli) – rejissor (Y.Əfəndiyevlə birgə)
1981 – “Gəmiqaya” (sənədli) – rejissor
1981 – “Nailiyyətlər estafeti” (sənədli) – rejissor
1982 – “Ailə” (sənədli) – rejissor
1982 – “Ev dirəyi-el dirəyi” (sənədli) – rejissor
1983 – “Cəh-cəh həsrətində” (sənədli) – rejissor
1984 – “İkinci həyat” (sənədli) – rejissor
1984 – “Biz Azərbaycandanıq” (sənədli) – rejissor, ssenari müəllifi
1986 – “Gecikmiş gündəlik” (sənədli) – rejissor, ssenari müəllifi
1987 – “Fərhad” (sənədli) – rejissor, ssenari müəllifi
1989 – “Tutulma” (sənədli) – rejissor, ssenari müəllifi
1990 – “Ayna və Həmid” (sənədli) – rejissor, ssenari müəllifi
1992 – “Azərbaycan və Nobel qardaşları” (sənədli) – rejissor (M.Rzayevlə birgə)
1993 – “Neft maşınqayırmasının flaqmanı” (sənədli) – rejissor
1996 – “Azərbaycan kinosu-80” (sənədli) – rejissor, ssenari müəllifi
1996 – “Suya səyahət” (sənədli) – rejissor
1998 – “Sən həmişə bizimləsən” (sənədli) – rejissor, ssenari müəllifi
2000 – “Bu-Naxçıvandır” (sənədi) – rejissor
2006 – “Almaniya-Azərbaycan dostluq əlaqələri” (sənədli) – rejissor (E.Musaoğlu ilə birgə)
2008 – “Üçüncü zəng” (sənədli) – rejissor
2014 – “Mən Bakını sevirəm” (qısametrajlı sənədli film) rejissor
2014 – “Tarixin daş salnaməsi” (qısametrajlı sənədli film) rejissor, ssenari müəllifi
2016 – “Həmişə Yaşar” (qısametrajlı sənədli film) rejissor
2017 – “Vidadi Babanlı” (sənədli televiziya filmi-AZTV) rejissor
2017 – “Ceyhun Hacıbəyli” (Azərbaycantelefilm Yaradıcılıq Birliyi) rejissor
2018 – “Əbədiyyətə uçuş” (qısametrajlı sənədli film) rejissor, ssenari müəllifi
2018 – “Ermənilərin törətdikləri soyqırımlar” (sənədli televiziya filmi-AZTV) rejissor
2018 – “Azərbaycan cümhuriyyəti 100 il” (sənədli televiziya filmi-AZTV) rejissor
2019 – “Akademik Murtuza Nağıyev” (sənədli televiziya filmi-AZTV) rejissor
2019 – “Bizim malakanlar” (sənədli film) rejissor, ssenari müəllifi
