Fariz Əhmədov

rejissor

(15.12.1983)

Fariz Asif oğlu Əhmədov Cəbrayıl rayonunda anadan olub. Azərbaycan Dövlət Mədəniyyət və İncəsənət Universitetinin sənətşünaslıq fakültəsinin “ədəbi yaradıcılıq və ekran dramaturgiyası” ixtisasında (2001-2005), Ümümrusiya Dövlət Kinematoqrafiya Universitetinin (VGİK) kinorejissorluq ixtisasında (2010-2012, Aleksandr Proşkinin emalatxanası), Azərbaycan Dövlət Mədəniyyət və İncəsənət Universitetinin rejissorluq ixtisasının magistraturasında təhsil alıb.

ANS TV-də rejissor (2005-2006), “Azanfilm” cizgi filmləri studiyasının direktor-bədii rəhbəri (2012-2015), AzTV-də rejissor (2006-2018), Bakı Media Mərkəzində prodüser (2018-2020),  “Azərbaycanfilm” kinostudiyasının direktoru (2020-2022) olaraq çalışıb. Hazırda Bakı Media Mərkəzinin prodüseridir.

Pedaqoji fəaliyyətlə məşğuldur, Azərbaycan Dövlət Mədəniyyət və İncəsənət Universitetində rejissorluq ixtisasından dərs deyir (2015-ci ildən).

Bakı Beynəlxalq Turizm Filmləri Festivalının təsisçisi və icraçı direktoru olub (2013-2014). Müxtəlif ölkələrdə keçirilən prodüser, rejissor və dramaturgiya ustad dərslərində və beynəlxalq festivallarda iştirak edib, nüfuzlu mükafatlara layiq görülüb.

2015-ci ildə Azərbaycan Kino Akademiyasının “Ən yaxşı sənədli film” nominasiyasında “Əriyən ada” filminə görə “Qızıl Pəri” Peşə mükafatı alıb. 2018-ci ildə isə “Əbədi ezamiyyət” filmi ilə “Ən yaxşı sənədli film” və “Ən yaxşı rejissor işi” (sənədli filmdə) nominasiyasında yenidən bu mükafata layiq görülüb.

  1. https://azertag.az/xeber/Fariz_Ahmedovun_Sonuncu_filmi_mukafata_layiq_gorulub-1907694
  2. https://news24.az/50248-azrbaycan-kinosu-ucun-yeni-zirvlr-fth-etmy-doru-addmlayacaq-.html
  3. https://teleqraf.com/news/art/319294.html
  4. https://aki.az/fariz-%C9%99hm%C9%99dov-f%C9%99ryad-2-az%C9%99rbaycan-kinematoqrafiyasina-%C9%99n-yaxsi-tohf%C9%99l%C9%99rd%C9%99n-biri-olacaq/
  5. https://www.avanqard.net/index.php?action=static_detail&static_id=60122
  6. https://hafta.az/azerbaycanfilm-muharibeye-dair-filmler-hazirlayir-%C2%A0fariz-ehmedov-301502-xeber.html
  7. https://culture.gov.az/az/umumi-xeberler/13800
  8. https://qafqazinfo.az/news/detail/biz-filmi-istanbulda-mukafata-layiq-goruldu-fotolar-339999
  9. https://arki.az/az/news/789/fariz-ehmedovun-sonuncu-filmi-bas-mukafata-layiq-gorulub
  10. http://www.anl.az/down/meqale/adalet/2013/yanvar/289985.htm

FILMOQRAFIYA:

  1. Fikrət Əmirov (II) (2004, qısametrajlı sənədli film) – rejissor assistenti
  2. Qobustan (IV) (2005, qısametrajlı sənədli film) – rejissor assistenti
  3. Azərbaycan: tarixdən səhifələr (2006-2008, sənədli serial) – rejissor assistenti
  4. Komandi günü (2007, qısametrajlı sənədli film) – rejissor
  5. Müqəddəs məkan (2007, qısametrajlı sənədli film) – rejissor
  6. Yaşıl teatr (2007, qısametrajlı sənədli film) – rejissor
  7. .. (2008, qısametrajlı bədii film) – prodüser
  8. Dovşanın ölümü (2008, qısametrajlı bədii film) – prodüser
  9. Qocalar (2008, qısametrajlı bədii film) – rejissor, prodüser
  10. Lahıc ritmləri (2008, qısametrajlı sənədli film) – rejissor, ssenari müəllifi
  11. Bir addım (2009, qısametrajlı bədii film) – rejissor, prodüser
  12. Miras (III) (2010, qısametrajlı sənədli film) – rejissor
  13. Mayak (2012, qısametrajlı bədii film) – rejissor
  14. Portret (2012, qısametrajlı sənədli film) – rejissor
  15. Əriyən ada (2013, qısametrajlı sənədli film) – rejissor, prodüser (2015, “Qızıl Pəri” – “Ən yaxşı sənədli film”)
  16. Ən güclü kimdir? (2014, animasiya filmi) – prodüser
  17. Gəlin, birgə öyrənək – rənglər (2014, animasiya filmi) – prodüser
  18. Gözümün işığı və ya qəribə heykəltəraş ömrü (2014, qısametrajlı sənədli film) – prodüser
  19. Köhnə saat (2014, animasiya filmi) – prodüser
  20. Lahıc (V) (2014, qısametrajlı sənədli film) – prodüser
  21. Vulkanın nəfəsi (2014, qısametrajlı sənədli film) – prodüser
  22. Bakı sübhdən günbatanadək (2015, tammetrajlı sənədli film) – rejissor, koordinator
  23. Gəlin, birgə öyrənək – rəqəmlər (2015, animasiya filmi) – prodüser
  24. Qısa ömrün davamı… (2015, qısametrajlı sənədli film) – rejissor, ssenari müəllifi, prodüser
  25. Bir nəfəsin izi (2016, qısametrajlı sənədli film) – rejissor, prodüser
  26. Əbədi ezamiyyət (2016, tammetrajlı sənədli film) – rejissor (2018, “Qızıl Pəri” – “Ən yaxşı sənədli film”, “Ən yaxşı rejissor işi”)
  27. Vətən əsgəri (2016, qısametrajlı sənədli film) – rejissor
  28. Arif Aziz (2018, qısametrajlı sənədli film) – rejissor, prodüser
  29. Miras (V) (2018, tammetrajlı sənədli film) – icraçı prodüser, aktyor
  30. Son iclas (2018, tammetrajlı sənədli film) – icraçı prodüser
  31. Şirvanşahlar (2018, qısametrajlı sənədli film) – icraçı prodüser
  32. And içirəm (2019, qısametrajlı sənədli film) – rejissor
  33. Bizim Həsən müəllim (2020, qısametrajlı sənədli film) – prodüser
  34. Sonuncu (III) (2020, qısametrajlı sənədli film) – rejissor, ssenari müəllifi
  35. Biz (2021, qısametrajlı sənədli film) – prodüser
  36. Fulya (2021, qısametrajlı sənədli film) – prodüser
  37. Görünməyən qəhrəmanlar (2021, sənədli serial) – prodüser
  38. Köşk (2021, bədii serial) – prodüser
  39. Quyu (2021, qısametrajlı bədii film) – prodüser
  40. Görünməyən qəhrəmanlar (2021-2022, sənədli serial) – rejissor
  41. Biz qayıdırıq. Cəbrayıl (2022, sənədli serial) – rejissor
  42. Böyük qırmızı ev (2022, qısametrajlı sənədli film) – prodüser
  43. Həyat, deyəsən gözəldir (2022, tammetrajlı bədii film) – prodüser
  44. Mərmər soyuğu (2022, tammetrajlı bədii film) – prodüser
  45. Məryəm (III) (2022, tammetrajlı bədii film) – prodüser
Əlaqə:+994 55 827 84 83
Ünvan:Bakı şəhəri, Moskva prospekti 1.