Eldar Bəhram oğlu Mansurov Bakıda anadan olub. Asəf Zeynallı adına orta ixtisas musiqi məktəbinin fortepiano sinfində (1968-1972), Üzeyir Hacıbəyov adına Azərbaycan Dövlət Konservatoriyasının bəstəkarlıq fakültəsində (1974-1979, Cövdət Hacıyevin sinfi) təhsil alıb. Əsərləri arasında “Sevgilimin anası” müzikli (1990), “Mahur-hindi” simfonik muğamı (1991), 4 saylı simfoniya (1991), kamera orkestri üçün “Freskalar” (1991), skripka və simfonik orkestr üçün “Adajio” (1991), simfonik orkestr üçün “Passakalya” (1991), 5 saylı simfoniya (1992), piano üçün “Miniatürlər” (1996), “Yeddi gözəl” rok-operası, “Kleopatra” və “Olimp” rok-baletləri, teatr tamaşalarına musiqi – “Çələbi xan” (1990), “Dişi canavar” (1991), “Mənim ağ şəhərim” (1991), “Məşuqələr” (1992), “Pul dəlisi” (1992), “Nəğməli, təbəssümli səyahət” (1992), “Ah, qadınlar” (1992), “Evlənmək istəyirəm” (1993), “Aktyor” (1994), “Kələkbaz qızlar” (1994) var. 3000-dən artıq mahnının müəllifidir. Respublika İncəsənət Gimnaziyasında və İstanbulda pedaqoji fəaliyyətlə məşğul olub. BMTİ və Lider televiziyalarında musiqi redaktoru kimi çalışıb. Azərbaycan Bəstəkarlar İttifaqının katibi olub (2007-2012). Əməkdar incəsənət xadimidir (2005).

Bəstəkar Eldar Mansurov tarzən Bəhram Mansurovun oğludur.

Bəstəkar Eldar Mansurov təsvir rejissoru Aydın Mansurovun qardaşıdır.

Eldar Manrusovun rəsmi saytı: https://eldarmansurov.com/

1. https://qafqazinfo.az/news/detail/eldar-mansurov-70-yasini-nece-qeyd-edir-354944
2. https://news.milli.az/culture/129407.html
3. https://eldarmansurov.com/
4. https://kulis.az/xeber/edebi-tenqid/xeber________________________________________-14367
5. http://azhistorymuseum.gov.az/az/news/3791
6. https://azertag.az/xeber/Eldar_Mansurov_Qarabagname_baleti_uzerinde_isleyirem-2342720
7. https://mia.az/w1008991/1008991
8. https://adalet.az/mobil/168582

FILMOQRAFIYA:

1. Aran (1985, qısametrajlı sənədli film) – bəstəkar
2. Yürüşün sonu varmı? (1985, qısametrajlı sənədli film) – bəstəkar
3. Neftçi — 87 (1987, qısametrajlı sənədli film) – bəstəkar
4. Əndazədən çıxanda (1988, animasiya filmi) – bəstəkar
5. Bəxtəvər (1990, qısametrajlı bədii film) – bəstəkar
6. Güzgü (II) (1990, animasiya filmi) – bəstəkar
7. Almas İldırım (1991, qısametrajlı sənədli film) – bəstəkar
8. Bəxt üzüyü (1991, tammetrajlı bədii film) – bəstəkar
9. Müqəddəs oda yanaram (1991, tammetrajlı bədii film) – bəstəkar
10. Dəniz səyahəti (1992, animasiya filmi) – bəstəkar
11. Fövqəldünya və ya qəsdsiz məntiqi səhv (1992, tammetrajlı sənədli film) – bəstəkar
12. Əzablı qurtuluş (1993, qısametrajlı sənədli televiziya filmi) – bəstəkar
13. Qisas günü (1993, qısametrajlı sənədli televiziya filmi) – bəstəkar
14. Hökm (1994, tammetrajlı bədii film) – bəstəkar
15. İşğal (1994, qısametrajlı sənədli televiziya filmi) – bəstəkar
16. Bala-başa bəla! (1995, tammetrajlı film-tamaşa) – bəstəkar
17. Yük (1995, tammetrajlı bədii film) – bəstəkar, aktyor (Şəmsi Əsədullayev)
18. Bir cənub kəndində (1997, tammetrajlı film-tamaşa) – bəstələrindən istifadə olunub
19. Heydər Əliyev (1999-2013, sənədli serial) – bəstəkar
20. Şirin bülbül (2000, tammetrajlı film-tamaşa) – bəstələrindən istifadə olunub
21. Bakı qalasında gəzinti (2003, tammetrajlı sənədli film) – bəstələrindən istifadə olunub
22. Mahur Hindi (2001, qısametrajlı sənədli televiziya filmi) – bədii rəhbər
23. İlham Əliyev. “Olimp”in fəthinə doğru (2002, qısametrajlı sənədli televiziya filmi) – bəstələrindən istifadə olunub
24. Qeybdən gələn səs (2002, tammetrajlı film-tamaşa) – bəstələrindən istifadə olunub
25. Abşeron lövhələri (II) (2004, qısametrajlı sənədli televiziya filmi) – bəstəsindən istifadə olunub
26. Xarı bülbüllər (2005, qısametrajlı bədii film) – bəstəkar
27. Toy (II) (2005, tammetrajlı bədii film) – bəstələrindən istifadə olunub
28. Arzularını çəkən rəssam (2007, qısametrajlı sənədli film) – bəstələrindən istifadə olunub
29. Bakı bağları (2007, sənədli serial) – bəstəsindən istifadə olunub
30. Gəl!.. (2007, qısametrajlı sənədli film) – bəstələrindən istifadə olunub
31. Siçan və pişik (2007, animasiya filmi) – bəstəkar
32. Azarkeş (2008, tammetrajlı bədii film) – bəstəsindən istifadə olunub
33. Təhlükəsizliyimizin tarixi (2009, sənədli serial) – bəstəkar
34. Dilin sehrində yaşayan insan (2010, tammetrajlı sənədli film) – bəstələrindən istifadə olunub
35. Tırtılın arzusu (2010, animasiya filmi) – bəstələrindən istifadə olunub
36. Ayrılıq üçün bəhanə (2011, qısametrajlı bədii film) – bəstəsindən istifadə olunub
37. Hörümçək toru (2011-2012, bədii serial) – bəstəkar
38. Eldən-elə: Qax Sarıbaş (2013, qısametrajlı sənədli televiziya filmi) – bəstəsindən istifadə olunub
39. Tarın sədaları. Mansurovlar (2013, qısametrajlı sənədli film) – bəstəkar
40. Dələduzlar (2014, tammetrajlı bədii film) – bəstəkar
41. Günəşim ol (2016-2017, bədii serial) – bəstəkar
42. Çin olan yuxu (2017, qısametrajlı sənədli televiziya filmi) – bəstələrindən istifadə olunub