Rəfail Əli oğlu Qəmbərov Çeçenistanın Qroznı şəhərində anadan olub. Ümumittifaq Dövlət Kinematoqrafiya İnstitutunun Kinooperatorluq fakültəsində təhsil alıb (1966-1971, L.Kosmatovun emalatxanası). Bir neçə il Rusiyada Samara Kinoxronika Studiyasında, sonralar “Azərbaycanfilm” kinostudiyasında bədii və sənədli filmlərin təsvir rejissoru olub. Bir neçə filmdə fotoqraf-rəssam kimi də çıxış edib. Azərbaycan Fotoqraflar Birliyinin təsisçisi və ilk rəhbəri olub (1998-2007). Azərbaycan Dövlət Mədəniyyət və İncəsənət Universitetində dərs deyib. “Foto kompozisiya” (2021, Amin Novruzovla birgə) adlı dərsliyin həmmüəllifidir. Azərbaycan Professional Kinorejissor Gildiyasının İdarə Heyətinin və Azərbaycan Kino Akademiyasının Rəyasət Heyətinin üzvüdür. Rəfail Qəmbərov Əməkdar İncəsənət Xadimi və Dövlət Mükafatı laureatıdır (1981).

1. https://az.trend.az/azerbaijan/society/1089549.html
2. https://www.salamnews.org/az/news/read/157489
3. https://news.milli.az/culture/273324.html
4. https://medeniyyet.az/page/news/60457/Azerbaycan-cohresi.html?lang=az
5. https://aki.az/ibrahimb%C9%99yovla-ocaqovun-parki/
6. https://aki.az/rafael-q%C9%99mb%C9%99rov-v%C9%99-amin-novruzovun-birg%C9%99-foto-kompozisiyasi/
7. http://kinobiz.az/celebrity/rafail-q%C9%99mb%C9%99rov/

FILMOQRAFIYA:

1. Bakı haqqında 10 dəqiqə (II) (1970, qısametrajlı sənədli film) – təsvir rejissoru
2. Gecə söhbəti (1971, qısametrajlı sənədli film) – təsvir rejissoru
3. Gilas ağacı (1972, qısametrajlı bədii film) – təsvir rejissoru
4. Nəriman Nərimanov (II) (1972, qısametrajlı sənədli film) – təsvir rejissoru
5. Bizim küçənin oğlanları (1973, tammetrajlı bədii film) – təsvir rejissoru
6. 1001-ci qastrol (1974, tammetrajlı bədii film) — təsvir rejissoru
7. Vulkana doğru (1976-1977, bədii serial) – təsvir rejissoru
8. Dantenin yubileyi (1978, tammetrajlı bədii film) — təsvir rejissoru
9. İçəri şəhər (II) (1978, qısametrajlı sənədli film) – təsvir rejissoru
10. Azərbaycanın palçıq vulkanları (1979, qısametrajlı sənədli film) – təsvir rejissoru
11. Çovqan oyunu (1979, qısametrajlı sənədli film) – təsvir rejissoru
12. İstintaq (1979, tammetrajlı bədii film) – təsvir rejissoru
13. Qəribə adam (1979, tammetrajlı bədii film) – təsvir rejissoru
14. Lahıc (1979, qısametrajlı sənədli film) – təsvir rejissoru
15. Bağlı qapı (1981, tammetrajlı bədii film) — təsvir rejissoru
16. Cəmşid Naxçıvanski (1982, qısametrajlı sənədli film) – təsvir rejissoru
17. İstirahət gecəsi (1982, qısametrajlı sənədli film) – təsvir rejissoru
18. Park (1983, tammetrajlı bədii film) — təsvir rejissoru
19. Gümüşgöl əfsanəsi (1984, tammetrajlı bədii film) – təsvir rejissoru
20. Burulğan (1986, tammetrajlı bədii film) – təsvir rejissoru
21. Ölsəm… bağışla (1989, tammetrajlı bədii film) — təsvir rejissoru
22. Özüm və zaman haqqında (1991, qısametrajlı sənədli film) – təsvir rejissoru
23. Prima (1994, qısametrajlı sənədli film) – təsvir rejissoru
24. Həm ziyarət, həm ticarət… (1995, tammetrajlı bədii film) – təsvir rejissoru
25. Müstəqillik yollarında (2004-2005, sənədli serial) – yaradıcı heyətin üzvü
26. Nəğməli ömür (2008, qısametrajlı sənədli film) – təsvir rejissoru