Təsvir rejissoru
(02.09.1949)

Bağırov Vaqif Sadıx oğlu 2 sentyabr 1949 – cu ildə Bakı şəhərində anadan olub. 1957-ci ildə 199 nömrəli orta məktəbə daxil olub və orta təhsilini 1966-cı ildə bitirib. 1967-ci ildə “Azərbaycanfilm” kinostudiyasına “Aşkarlanma sexinə” qablayıcı vəzifəsinə düzəlib.

21oktyabr 1968-ci ildə ordu sıralarında qulluq edib və 1970-ci ildə kinostudiyaya qayıdaraq kinooperator sexinə mexanik vəzifəsinə qəbul olunub. 1975-ci ildə quraşdırılmış səhnələr çəkilişi sexində əvvəl kinooperator assistenti, 1985-ci ildə isə 3-cü dərəcəli kinooperator işləyib. 1990-cı ildə, işlədiyi filmləri nəzərə alıb 1-ci dərəcəli quraşdırılmış səhnədə çəkiliş üzrə kinooperator vəzifəsinə layiq görülüb.

1994-cü ildə quraşdırılmış səhnələrin çəkilişi sexinə, 1998-ci ildə isə çəkiliş texnikası sexinə rəis təyin edilib. 2002-ci ildə öz xahişi ilə tutduğu vəzifədən azad olunub. Mexanik kimi fəaliyyətimi davam etdirib və 2008-ci ildə yenidən çəkiliş texnikası sexinə rəis təyin olunub. 2000-2006-cı illərdə Ə.Cavad adına İncəsənət Gimnaziyasında təsvir rejissoru sənətindən dərs deyib. 2013-cü ildən təqaüdə çıxmağı ila əlaqədar öz xahişi ilə işdən azad olunub. Əməkdar mədəniyyət işçisidir (2009). Azərbaycan Professional Kinorejissorlar Gildiyasının Təftiş komissiyasının üzvüdür (2014).

FILMOQRAFIYA:

1. 1972 – Qızıl qaz (kinooperator assistenti)
2. 1974 – Qatır Məmməd (kinooperator assistenti)
3. 1975 – Dörd bazar günü(kinooperator assistenti)
4. 1976 – Xoşbəxtlik arzuları (quraşdırılmış səhnələr üzrə kinooperator assistenti)
5. 1976 – Qərib cinlər diyarında (quraşdırılmış səhnələr üzrə kinooperator assistenti)
6. 1977 – Sevinc  buxtası (quraşdırılmış səhnələr üzrə kinooperator assistenti)
7. 1977 – Şir evdən getdi (kinooperator assistenti)
8. 1980 – Gözlə məni (kinooperator assistenti)
9. 1980 – Yol əhvalatı (kinooperator assistenti)
10. 1981 – Birisi gün gecə yarısı (kinooperator assistenti)
11. 1983 – Asif Vasif Ağasif (kinooperator assistenti)
12. 1984 – Tənha narın nağılı (kinooperator assistenti)
13. 1984 – Qoca palıdın nağılı (quraşdırılmış səhnələr üzrə kinooperator)
14. 1985 – Bağ mövsümü (kinooperator assistent)
15. 1986 – Qəm pəncərəsi -2 seriya (quraşdırılmış səhnələr üzrə kinooperator)
16. 1987 – Süd dişinin ağrısı (quraşdırılmış səhnələr üzrə kinooperator)
17. 1987 – Araqarışdıran (quraşdırılmış səhnələr üzrə kinooperator)
18. 1988 – Cansıxıcı əhvalat (quraşdırılmış səhnələr üzrə kinooperator)
19. 1988 – Boş yer (quraşdırılmış səhnələr üzrə kinooperator)
20. 1990 – Qətl günü (quraşdırılmış səhnələr üzrə kinooperator)
21. 1990 – Şahid qız (quraşdırılmış səhnələr üzrə kinooperator)
22. 1995 – Ümid (quraşdırılmış səhnələr üzrə kinooperator)
23. 1996 – Özgə vaxt (quraşdırılmış səhnələr üzrə kinooperator)
24. 1998 – Ailə (quraşdırılmış səhnələr üzrə kinooperator)
25. 2004 – Məkanın melodiyası (kinooperator)