Cəmil Quliyev

kinorejissor, prodüser

(03.07.1963)

Cəmil Elşad oğlu Quliyev Bakıda anadan olub. Ümumittifaq Dövlət Kinematoqrafiya İnstitutunun kinorejissorluq fakültəsində təhsil alıb (1980-1985, A.Alov və V.Naumovun emalatxanası). 1984-ci ildən “Azərbaycanfilm” kinostudiyasında quruluşçu rejissor kimi çalışıb, bir çox bədii və sənədli filmlərə quruluş verib. Cəmil Quliyevin quruluş verdiyi filmlər Fransa, İsveç, Türkiyə, Rusiya, Gürcüstan, Çexiya, Rumıniya və s. ölkələrdə Beynəlxalq festivallarda iştirak edib. 1987-ci ildən Azərbaycan Dövlət Mədəniyyət və İncəsənət Universitetində pedaqoji fəaliyyətə başlayıb. Azərbaycan Dövlət Mədəniyyət və İncəsənət Universitetinin “Kino və televiziya sənəti” kafedrasının müdiri və dosenti (1998-2006), Beynəlxalq Audiovizual Festivalın direktoru (2000-2005), Azərbaycan Dövlət Film Fondunun direktoru (2006-2013), AzTV Mədəniyyət kanalının direktoru (2011-2013), İctimai Televiziya və Radio Yayımları şirkətinin baş direktoru (2013-2018), Mədəniyyət Nazirliyinin Kinematoqrafiya şöbəsinin Filmlərin qeydə alınması, təbliği və yayımı sektorunun mudiri (2018-2019), “Azərbaycanfilm” kinostudiyasının direktoru (2019-2020) olub. Hazırda Mədəniyyət və İncəsənət Universitetinin professoru və Azərbaycan Dövlət Film Fondunun direktorudur. Azərbaycan Respublikası Kinematoqrafçılar İttifaqının icraçı katibidir (2012-ci ildən). “Humay” Milli Mükafatına (1998), “Əməkdar incəsənət xadimi” fəxri adına (2005), “Akademik Yusif Məmmədəliyev” medalına (2007), “Zirvə” mükafatına (2010), “Fəxri mədəniyyət işçisi” adına (2013), 3-cü dərəcəli “Vətənə xidmətə görə” ordeninə (2018) və 2019, 2020, 2021, 2022-ci illərdə Prezident Mükafatına layiq görülüb. 1990-cı ildən Beynəlxalq Kinematoqrafiya Konfederasiyasının, 1996-cı ildən Azərbaycan Jurnalistlər İttifaqının, 2010-cu ildən Beynəlxalq Televiziya və Radio Akademiyasının akademiki və üzvüdür. 2009-cu ildə Beynəlxalq Muzeylər Şurasının (İCOM) üzvü seçilmişdir

Rejissor Cəmil Quliyev professor Elşad Quliyevin oğludur.

Filmoqrafiya:

Alma almaya bənzər (1975, tammetrajlı bədii film) – aktyor (Kərimov)
Marş (1982, qısametrajlı bədii film) – rejissor
Balıq günü (1983, qısametrajlı bədii film) – rejissor, ssenari müəllifi
Bayramda yağış (1985, qısametrajlı bədii film) – rejissor
Köç (1986)
Bu da bir naxışdır (1987)
Cansıxıcı əhvalat (1988, tammetrajlı bədii film) – rejissor
Qarət (1988)
Murad-sad (1988, qısametrajlı bədii film) – aktyor
Şirbalanın məhəbbəti (1991, tammetrajlı bədii film) – rejissor, aktyor (Nazlının qohumu)
Ekskursiya (1991)
Subaylarınızdan görəsiniz (1991)
Banqladeş qonaqları (1992, qısametrajlı sənədli film) – rejissor, ssenari müəllifi
Etiraf (1992, tammetrajlı bədii film) – ssenari müəllifi, bədii rəhbər
Həsənbəy Zərdabi (1992, qısametrajlı sənədli film) – rejissor
Qovlar (1992, qısametrajlı sənədli film) – rejissor
Yol (1993)
Qala (1994)
General de Qol (1995)
Yarasa (1995, tammetrajlı bədii film) – bədii rəhbər
Ömər Eldarov (1997)
General Hüseyn Rəsulbəyov (1998, qısametrajlı sənədli film) – rejissor
Kədərimiz… Vüqarımız… (1998, qısametrajlı sənədli film) – rejissor, ssenari müəllifi
Hotdoq (1998, qısametrajlı bədii film) – aktyor
Otel otağı (1998, tammetrajlı bədii film) – aktyor (türk)
Nə gözəldir bu dünya… (1999, tammetrajlı bədii film) – aktyor (həkim)
Nəsrulla Nəsrullayev (1999, qısametrajlı sənədli film) – rejissor
İzzət Orucova (2000, qısametrajlı sənədli televiziya filmi) – rejissor
Kinorejissor Arif Babayev (2000, qısametrajlı sənədli film) – rejissor, ssenari müəllifi
Bir ömrün sədasl (2000)
Kinorejissor Həsən Seyidbəyli (2002, qısametrajlı sənədli film) – rejissor, ssenari müəllifi
Həyatın duzu (2003, qısametrajlı bədii film) – aktyor
Fikrət Əmirov (II) (2004, qısametrajlı sənədli film) – rejissor, ssenari müəllifi
Nəfəs (2007, qısametrajlı bədii film) – bədii rəhbər
Qocalar (2008, qısametrajlı bədii film) – məsləhətçi
Bir addım (2009, qısametrajlı bədii film) – bədii rəhbər
Adın sirri və tale. Qurban Səid (2010, qısametrajlı sənədli film) – bədii rəhbər
Sahə (2010, tammetrajlı bədii film) – bədii rəhbər
Mayak (2012, qısametrajlı bədii film) – kreativ prodüser
Qara bağ (2015, qısametrajlı bədii film) – bədii rəhbər
Məni izləyən müəmma (2019) – məsləhətçi
Titrəmə (2020) – prodüser
Sizə məktub var (2020) – prodüser
Daxildəki ada (2020) – prodüser

Əlaqə:050 202 31 13; 050 513 33 26

Ünvan:Bəsti Bağırova 11, mənzil 3.