Rejissor
(13.01.1973)

Ceyhun Şüküroğlu (Ceyhun Cümşüdov Şükür oğlu) Şabranda (Dəvəçi) anadan olub. Azərbaycan Dövlət Mədəniyyət və İncəsənət Universitetinin Teatr və kino aktyorluğu fakültəsində təhsil alıb (1997-2001). Azərbaycan Dövlət Gənclər Teatrında aktyor, Azərbaycan televiziyasında və İctimai televiziyada (2006-2019) rejissor kimi çalışıb. “Sözün sehri”, “Ədəbi ensiklopediya”, “Azərbaycan klassikləri”, “Miniatürlər”, “Felyetonlar”, “Bir kəndin nağılı” verilişlərinin rejissoru olub. Vətənpərvərlik mövzusunda çəkdiyi filmlərə görə “Fədai” və “Vətən naminə” medalları ilə təltif olunub (2017). Azərbaycan Qarabağ Müharibəsi Veteranları və Şəhid Ailələri İctimai Birliyinin Mətbuat xidmətinin rəhbəri vəzifəsində çalışır (2019). Hazırda Space TV-nin əməkdaşıdır.

1. https://kulis.az/xeber/senet/xeber________________________________-10670
2. http://www.anl.az/down/meqale/medeniyyet/2018/fevral/579715.htm
3. https://www.xalqcebhesi.az/news/accident/26222.html
4. https://nezermedia.az/medeniyyetvemaqazin/41525-yollar-uzanan-gun-filminin-teqdimat-merasimi-kecirilecek.html

FILMOQRAFIYA:

1. “Dirsə xan oğlu Buğac” boyu (2000, tammetrajlı film-tamaşa) – aktyor (Oğuz döyüşçüsü)
2. Yanmış körpülər (2003-2007, bədii serial) – rejissor assistenti
3. Şans (2004, tammetrajlı bədii film) – rejissor assistenti
4. Qovğalı kəndinin gecələri (2008, qısametrajlı bədii film) – prodüser, aktyor (qonşu oğlan)
5. Sonuncu dərviş (2009, tammetrajlı bədii film) – aktyor (Elistratovun köməkçisi), inzibatçı
6. 220 №-li otaq (2010, qısametrajlı bədii film) – aktyor
7. Bizim jek (2010, bədii serial) – rejissor, aktyor
8. Saqqallı uşaq (2010, qısametrajlı bədii film) – rejissor
9. Bakı vaxtı (2010-2016, sənədli serial) – rejissor, prodüser
10. Gəl təzədən evlənək (2011, tammetrajlı bədii film) – rejissor, aktyor
11. Bənzərəm bir qocaman dağa ki… (2012, qısametrajlı sənədli televiziya filmi) – rejissor
12. Döyüşən qadınlar (2012, qısametrajlı sənədli televiziya filmi) – rejissor
13. Üç görüş (2012, tammetrajlı bədii film) – rejissor
14. Pirəbədil xalçası (2012, sənədli film) – rejissor
15. Azərbaycan müəllimi. Babək Xubiyarov (2014, qısametrajlı sənədli televiziya filmi) – rejissor
16. Dələduzlar (2014, tammetrajlı bədii film) – aktyor (polis işçisi)
17. Yollara uzanan gün (2014, qısametrajlı bədii film) – rejissor
18. Bir kəndin nağılı (2014, sənədli film) – rejissor
19. Bakı vağzalı (2014, – sənədli film) – rejissor
20. 28 may küçəsi (2014, sənədli film) – rejissor
21. İmtahan (II) (2017-2020, bədii serial) – aktyor (Sadiq)
22. İşğal. Zəngilan (2018, qısametrajlı sənədli televiziya filmi) – rejissor