rejissor, ssenarist

(10.10.1910-02.06.1979)

Hüseyn Əli oğlu Seyidzadə İrəvanda anadan olub. 1918-ci ildə erməni qırğını ilə əlaqədar olaraq ailəsi öncə Tiflisə, sonra isə Bakıya köçüb. 1925-ci ildən Bakı trikotaj fabrikində işləyib. 1928-ci ildə Bakı İşçi Teatrında kütləvi səhnələrdə oynamağa başlayıb. Bir il sonra isə həmin teatrın aktyoru olub. 1929-cu ildə Leninqrad Dövlət Fəhlə Gənclər Teatrında kurs keçməyə göndərilib. 1930-cu ildə kinostudiyaya gəlib və ömrünün sonuna qədər burada çalışıb. 1931-ci ildə Ümumittifaq Dövlət Kinematoqrafiya İnstitutunun kinorejissorluq fakültəsinə (Lev Kuleşov, Sergey Eyzenşteynin sinfi) daxil olub. İkinci kursdan sonra onu sənədli kino rejissorluğu fakültəsinə keçirirlər. Bədii kinoya davam etmək istəyən Seyidzadə diplom müdafiə etmir, nəzəri kursu bitirməsi haqda arayış alır. Bir müddət “Lenfilm”, M.Qorki adına kinostudiya və “Mosfilm”də işləyib. Rusiya istehsalı olan “Rus məsələsi” (1947, rejissor Mixail Romm) və “Jukovski” (1950, rejissorlar Vsevolod Pudovkin, Dmitri Vasilyev) filmlərinin ikinci rejissoru olub. Müharibə başlayandan sonra Moskvaya qayıdaraq bir müddət Bədaye Teatrında dərs deyib. Əməkdar incəsənət xadimi (1970) Hüseyn Seyidzadə 1979-cu ildə vəfat edib.

Rejissor Hüseyn Seyidzadə aktrisa Ruqiyyə Seyidzadənin oğludur.

Rejissor Hüseyn Seyidzadə aktrisa Zəhra Seyidzadənin qardaşıdır

1. https://medeniyyet.az/page/news/5258/Kino-senetimizde-Huseyn-Seyidzade-yolu.html?lang=ru
2. https://melumatlar.az/blog/16941/kinomuzun-yorgun-serkerdesi-huseyn-seyidzade
3. http://gunaydin.az/news/8869
4. https://www.oyrenci.org/az/m%C9%99qal%C9%99/sevgilisind%C9%99n-oglundan-v%C9%99-anasindan-x%C9%99b%C9%99rsiz-ol%C9%99n-t%C9%99nha-dahi-h%C9%99yat-hekay%C9%99ti/
5. https://news.milli.az/culture/1030017.html

FILMOQRAFIYA:

12. İlk komsomol buruğu (1930, bədii film) – aktyor (neftçi)
13. Əlsiz adamlar (1932, bədii film) – aktyor (fəhlə)
14. Bakılılar (1938, bədii film) – dublyaj rejissoru
15. Sovqat (1942, bədii film) – rejissor
16. Əbədi odlar ölkəsi (1945, sənədli film) – rejissor
17. Doğma xalqıma (1954, sənədli film) – rejissor
18. O olmasın, bu olsun (1956, bədii film) – rejissor
19. Koroğlu (1960, bədii film) – rejissor
20. Yenilməz batalyon (1965, bədii film) – rejissor
21. Dəli Kür (1969, bədii film) – rejissor
22. Var olun, qızlar (1972, bədii film) – ssenari müəllifi
23. Qaynana (1978, bədii film) – rejissor