Rejissor, ssenarist
(16.11.1983)

Kamran Mürsəl oğlu Qasımov Bakıda anadan olub. Azərbaycan Dövlət Mədəniyyət və İncəsənət Universitetinin televiziya rejissorluğu ixtisasında (2000-2004), ssenari yaradıcılığı ixtisasında magistr pilləsi üzrə (2005-2007) təhsil alıb. Azərbaycan Dövlət Gənclər Teatrında rejissor assistenti və rejissor (2003-2005), “Mozalan” kinojurnalinda ssenarist və rejissor (2005), Azərbaycan Kinematoqrafçılar İttifaqında (2005-2008), ANSPress-də redaktor, ANS Müstəqil Yayım və Media Şirkətinin Bədii və publisistik verilişlər departamentinin baş redaktoru (2008-2009), Space TV-də, Bakıfilm Kino Şirkətində baş direktorun yaradıcılıq işləri üzrə müavini (2009-2013), baş redaktor (2014), Space TV-də Strateji araşdırma, proqramlaşma və anons şöbəsinin müdiri (2013-2014), ANS TV-də baş direktorun köməkçisi (2015-2016), APA TV-də redaktor (2017-2018) vəzifələrində çalışıb. Azərbaycan Dövlət Mədəniyyət və İncəsənət Universitetində dərs deyir. Hazırda AzerNewMedia şirkətinin icraçı direktoru, Cinema Radio layihəsinin rəhbəri, Real TV-nin Proqram departamentinin rəhbəri və eyni zamanda Real TV-nin aparıcısıdır.

FILMOQRAFIYA:

1. Bir ilin əhvalatı (2003, qısametrajlı bədii film) – rejissor
2. Yol (2003, qısametrajlı bədii film) – rejissor
3. Tilsim (2005, tammetrajlı bədii film) – rejissor, ssenari müəllifi
4. Qızlar (2007, bədii serial) – ssenari müəllifi
5. Qrinviç meridianından… kənarda (2007, qısametrajlı bədii film) – ssenari müəllifi
6. Qışlama əməliyyatı (2008, tammetrajlı film-tamaşa) – ssenari müəllifi
7. Satılmış həyat (2008, qısametrajlı bədii film) – ssenari müəllifi
8. Zülmətdə işıq (2008, qısametrajlı sənədli televiziya filmi) – rejissor, ssenari müəllifi
9. Günahkarlar yoxsa günahsızlar… (2009, qısametrajlı bədii film) – ssenari müəllifi
10. Hüdudsuz təhsil (2009, qısametrajlı sənədli televiziya filmi) – rejissor
11. Qaydasız döyüş (2009, bədii serial) – ssenari müəllifi
12. Birinci şəxs (2010, qısametrajlı sənədli televiziya filmi) – redaktor
13. Dördbucaq içində (2010, qısametrajlı sənədli film) – ssenari müəllifi
14. Yaddaş (II) (2010, tammetrajlı bədii film) – redaktor
15. Akademik Topçubaşov (2011, tammetrajlı sənədli film) – redaktor
16. Güllələr altında (2011, qısametrajlı sənədli film) – ssenari müəllifi
17. Xoca (2012, tammetrajlı bədii film) – redaktor
18. Ağabəyovlar (2012-2014, bədii serial) – ssenari müəllifi
19. Alınmaz qalanın qəhrəmanları (2013, qısametrajlı sənədli film) – ssenari müəllifi
20. Göyçək Fatimə (2013-2015, bədii serial) – ssenari müəllifi
21. Qanlı yanvar (2015, tammetrajlı bədii film) – redaktor
22. Mehdiyə ithaf (2015, qısametrajlı sənədli film) – rejissor, ssenari müəllifi
23. İqlimlər (II) (2016, qısametrajlı sənədli film) – rejissor, ssenari müəllifi, filmi səsləndirən
24. Samidə məktub (2016, qısametrajlı sənədli film) – rejissor, ssenari müəllifi
25. Dəmirin yolu (2017, qısametrajlı sənədli film) – rejissor, ssenari müəllifi
26. Son nəfəsədək (2018, tammetrajlı bədii film) – redaktor
27. Hər şey yaxşı olacaq (2020, qısametrajlı sənədli film) – rejissor, ssenari müəllifi
28. Xainlər (2020, tammetrajlı sənədli televiziya filmi) – prodüser