rejissor, ssenarist

(12.06.1943)

Oktay Mirəsədulla oğlu Mir-Qasım Bakıda anadan olub. Ümumittifaq Dövlət Kinematoqrafiya İnstitutunun rejissorluq fakültəsində təhsil alıb (1963-1968). 1965-ci ildə çəkdiyi 4 dəqiqəlik ilk filmi “Yollar” İnstitutda keçirilən festivalda birinci yeri tutub. 1962-ci ildə “Azərbaycanfilm” kinostudiyasında rejissor assistenti kimi başladığı əmək fəaliyyətini ali təhsildən sonra da davam etdirib. Sənədli, bədii filmlərin quruluşçu rejissoru və ssenari müəllifidir. Filmləri ümumittifaq festivallarında mükafat alıb.  “Qisas almadan ölmə” filmi XIII Anapa “Kinoşok” Film Festivalının “Əsas müsabiqə proqramı”na salınıb və X Kazan Beynəlxaq Müsəlman Filmləri Festivalında “Tammetrajlı bədii filmin ən yaxşı rejissor işi” mükafatını qazanıb.  Oktay Mir-Qasım Qazaxıstan istehsalı olan “Vəd edilən torpaqlar” (2010, rejissor Slambek Taukel) filmində Bekmurad rolunda çəkilib. “Azərkinovideo” İstehsalat Birliyinin baş direktoru (1993-2001), “Yeni Film” Yaradıcılıq Birliyinin rəhbəri vəzifələrində çalışıb. Azərbaycan Dövlət Mədəniyyət və İncəsənət Universitetində dərs deyir. Xalq artisti (2000), “Şöhrət” (2003), “Şərəf” (2018) və “İstiqlal” ordenləri laureatıdır. Azərbaycan Respublikası Kinematoqrafçılar İttifaqının Milli Kino Mükafatına layiq görülüb (2008).

Rejissor Oktay Mir-Qasım AMEA-nın ilk prezidenti, tibb elmləri doktoru Mir Əsədulla Mirqasımovun oğludur.

Rejissor Oktay Mir-Qasım aktrisa Ayan Mir-Qasımın atasıdır.

1. http://kinobiz.az/celebrity/oktay-mir-qasim/
2. https://kulis.az/xeber/senet/colorredOktay-Mirqasimov:color-%22Atamin-ruhundan-utaniram%22-colorredMusahibcolor-28313
3. https://az.trend.az/azerbaijan/society/1226357.html
4. http://www.mct.gov.az/az/umumi-xeberler/taninmis-kinorejissor-oqtay-mirqasimovun-75-illik-yubileyine-hesr-olunmus-k-no-h-yatin-bir-z-rr-s-d-r-adli-tedbir-kecirilib
5. http://www.anl.az/down/meqale/edebiyyat/2019/iyun/656034.htm

FILMOQRAFIYA:

1. Əmək və qızıl gül (1962, bədii film) – rejissor köməkçisi
2. Dəniz (1965, sənədli film) – rejissor
3. Qobustan (1967, sənədli film) – rejissor, ssenari müəllifi
4. Bu, həqiqətin səsidir. Bəstəkar Qara Qarayev (1968, film) – rejissor, ssenarist
5. Azərbaycan haqqında etüd (1969, sənədli film) – rejissor, ssenari müəllifi
6. Cəfər Cabbarlı (II) (1969, sənədli film) – rejissor
7. Gənclər festivalı (1969, sənədli film) – rejissor, ssenari müəllifi
8. Tatarıstanda Azərbaycan günləri (1969, sənədli film) – rejissor, ssenari müəllifi
9. Bakı haqqında 10 dəqiqə (II) (1970, sənədli film) – rejissor, ssenari müəllifi
10. Xəzinə (1970, bədii film) – aktyor
11. Gecə söhbəti (1971, sənədli film) – rejissor, ssenari müəllifi
12. Nəriman Nərimanov (II) (1972, sənədli film) – rejissor, ssenari müəllifi
13. 1001-ci qastrol (1974, bədii film) – rejissor, ssenari müəllifi
14. Əgər bir yerdəyiksə (1975, bədii film) – aktyor (Arif Hümbətov)
15. Rəşid Behbudov (1975, sənədli televiziya filmi) – ssenari müəllifi
16. De ki, məni sevirsən! (1977, bədii film) – aktyor (rayon prokuroru)
17. Dostluq səfəri (1977, sənədli film) – rejissor
18. Dantenin yubileyi (1978, bədii film) – aktyor (Yalçın)
19. Qara Qarayev – 60 (1978, sənədli film) – rejissor, ssenari müəllifi
20. Anlamaq istəyirəm (1980, bədii film) – rejissor, ssenari müəllifi
21. Gümüşü furqon (1982, bədii film) – rejissor
22. Qaladan tapılan mücrü (1982, bədii film) – aktyor (milis əməkdaşı)
23. Cin mikrorayonda (1985, bədii film) – rejissor
24. Vətəndaş, həkim, alim (1984, sənədli film) – ssenari müəllifi
25. Şeytan göz qabağında (1987, bədii film) – rejissor, aktyor (özbək satıcı)
26. Bir dəfə (1990, animasiya filmi) – ssenari müəllifi
27. Kədərimiz… Vüqarımız… (1998, sənədli film) – ssenari müəllifi
28. Dədə Qorqud dünyası (2000, sənədli film) – rejissor
29. Kinorejissor Arif Babayev (2000, sənədli film) – ssenari müəllifi
30. Şəhidlik zirvəsi (2001, sənədli film) – ssenari müəllifi
31. Ovsunçu (2002, bədii film) – rejissor, ssenarist, prodüser, aktyor
32. Mən kitabımı başlayıram (2006, sənədli film) – rejissor, prodüser
33. Qaşqayın son proqnozu (2007, sənədli film) – prodüser
34. Günaydın, mələyim (2008, bədii film) – rejissor, ssenari müəllifi, prodüser
35. Qisas almadan ölmə. (2013, bədii film) – rejissor, ssenari müəllifi, prodüser
36. Ağır illər… Xoş xatirələr… (2014, sənədli film) – rejissor, ssenari müəllifi, prodüser
37. Səs (V) (2016, bədii film) – bədii rəhbər
38. Halallıq  (2019,  sənədli film) – rejissor, ssenari müəllifi, prodüser