Ramiz Həsənoğlu
rejissor, ssenarist, prodüser
(13.04.1946)
Ramiz Həsənoğlu (Ramiz Mirzəyev Həsənağa oğlu) İrəvanda anadan olub. 1948-ci ildə ermənilərin yenidən azğınlaşmasından sonra İrəvan teatrının kollektivi Azərbaycana üz tutur. İki yaşlı Ramiz valideynləri ilə birlikdə Gəncə şəhərinə yerləşir, 1956-cı ildə Bakıya gəlirlər. M.A.Əliyev adına Azərbaycan Dövlət İncəsənət İnstitutunun Mədəni-Maarif fakültəsində (1965-1971), Leninqrad Dövlət Teatr, Musiqi və Kinematoqrafiya İnstitutunun telerejissura ixtisasında (1973-1978) təhsil alıb. 1966-cı ildə Azərbaycan Dövlət Televiziya və Radio Verilişləri Komitəsində rejissor köməkçisi işləməyə başlayıb. 1993-cü ildən Azərbaycan televiziyasında “Sabah” eksperimental yaradıcılıq emalatxanasına rəhbərlik edib. 200-dən artıq müxtəlif səpkili bədii, sənədli, musiqili proqramlara quruluş verib. Eyni zamanda Musiqili Komediya Teatrında, Yuğ və Milli Akademik Dram Teatrında tamaşalara da quruluş verib. 2019-2021-ci illərdə “Azərbaycantelefilm”in rəhbəri olub. 2021-ci ildən bu günə kimi Azərbaycan Televiziyasının “Sabah” Yaradıcılıq Studiyasının direktorudur. Əməkdar incəsənət xadimi (1989), Xalq artistidir (2006).
Rejissor Ramiz Həsənoğlu aktrisa Ətayə Əliyevanın və rejissor, aktyor Həsənağa Mirzəyevin oğludur.
Rejissor Ramiz Həsənoğlu rejissor Rauf Süleymanın qardaşıdır.
- https://www.youtube.com/watch?v=GurJhlPjda0
- https://medeniyyettv.az/az/news/1850/azerbaycan-televiziyasi-rejissor-ramiz-hesenoglu-haqqinda-film-cekir
- https://ikisahil.az/post/44697-news-44697
- https://modern.az/az/news/49834
- https://modern.az/az/news/86848/ramiz-hesenoglu-telebe-jurnalistlerin-qonagi-oldu-fotolar
- https://az.trend.az/azerbaijan/society/1017432.html
- https://www.adalet.az/w167457/aztv-yaxshi-enenelerini-berpa-edir-ramiz-hesenoglu-167457
- https://kulis.az/xeber/media/ramiz-hesenoglu-ozumu-bextigetiren-adam-hesab-edirem-o-verilisi-45899
- https://sputnik.az/20220413/ramiz-hesenoglu-gunes-cixmalidir-ki-cicekler-acilsin—-vdeo-441041813.html
FILMOQRAFIYA:
- Mən, sən, o, telefon (1975, tammetrajlı film-tamaşa) – rejissor
- Bizim qadınlar (1976, qısametrajlı sənədli televiziya filmi) – rejissor
- Dindirir əsr bizi (1976, tammetrajlı film-tamaşa) – rejissor
- Səməd Vurğun (III) (1976, qısametrajlı sənədli televiziya filmi) – rejissor
- Ötən ilin son gecəsi (1978, tammetrajlı film-tamaşa) – rejissor
- Üç eskiz (1978, qısametrajlı sənədli televiziya filmi) – rejissor
- Sumqayıt (III) (1979, qısametrajlı sənədli televiziya filmi) – rejissor
- Yollar görüşəndə… (1979, qısametrajlı film-tamaşa) – rejissor
- Qatarda (1981, qısametrajlı film-tamaşa) – rejissor
- Evləri köndələn yar (1982, tammetrajlı film-tamaşa) – rejissor
- Kökdən düşmüş piano (1982, tammetrajlı film-tamaşa) – bədii rəhbər
- Ömrün yolları (1982, tammetrajlı film-tamaşa) – rejissor
- Topal Teymur (1983, tammetrajlı film-tamaşa) – rejissor
- Günahsız Abdulla (1984, tammetrajlı film-tamaşa) – rejissor
- Qapalı orbit (1984, tammetrajlı film-tamaşa) – rejissor
- Ordan-burdan (1987, tammetrajlı film-tamaşa) – rejissor
- Yaşıl eynəkli adam (1987, tammetrajlı film-tamaşa) – rejissor, aktyor
- Anarla üz-üzə (1989, sənədli televiziya filmi) – rejissor, ssenari müəllifi
- Qonşu qonşu olsa… (1989, tammetrajlı film-tamaşa) – rejissor
- Kamança (1992, qısametrajlı film-tamaşa) – rejissor, ssenari müəllifi
- Ac həriflər (1993, tammetrajlı film-tamaşa) – rejissor, ssenari müəllifi, aktyor (ağıldankəm uşaq)
- Ağrı (II) (1993, tammetrajlı film-tamaşa) – rejissor
- Altı nömrəli palata (1994, tammetrajlı film-tamaşa) – prodüser
- Anamın kitabı (1994, tammetrajlı film-tamaşa) – prodüser
- Ağ dünya (1995, tammetrajlı bədii film) – prodüser
- Bala-başa bəla! (1995, tammetrajlı film-tamaşa) – prodüser
- Qayalarda qalan səs (1995, tammetrajlı film-tamaşa) – prodüser
- Apardı sellər Saranı (1996, qısametrajlı film-tamaşa) – prodüser
- Beşmərtəbəli evin altıncı mərtəbəsi (1996, tammetrajlı bədii film) – prodüser
- Cəza (1996, tammetrajlı film-tamaşa) – prodüser
- Leyli və Məcnun (III) (1996, tammetrajlı film-tamaşa) – ssenari müəllifi
- Ömürdən uzun gecə (1996, tammetrajlı film-tamaşa) – prodüser
- Yarımştat (1996, tammetrajlı film-tamaşa) – prodüser
- Fatehlərin divanı (1997, bədii serial) – rejissor, prodüser
- Yurd yeri 2 (1997, tammetrajlı film-tamaşa) – prodüser
- Ailə (1998, tammetrajlı bədii film) – rejissor
- Nigarançılıq (1998, tammetrajlı film-tamaşa) – rejissor, prodüser
- Xoşbəxt adam (1999, qısametrajlı sənədli televiziya filmi) – rejissor
- Yaşıl eynəkli adam 2 (1999, tammetrajlı film-tamaşa) – rejissor, prodüser, aktyor (fotoqraf)
- “Dirsə xan oğlu Buğac” boyu (2000, tammetrajlı film-tamaşa) – rejissor, prodüser
- Nekroloq (2001, tammetrajlı film-tamaşa) – rejissor, prodüser
- Salur Qazanın evi talandığı boy (2001, tammetrajlı film-tamaşa) – rejissor, prodüser
- Dəvətnamə (II) (2002, tammetrajlı film-tamaşa) – rejissor, prodüser, aktyor
- Ömür ağacı (2002, qısametrajlı sənədli film) – rejissor
- Yaşıl eynəkli adam 3 (2002, tammetrajlı film-tamaşa) – rejissor, prodüser
- Yumurta (2003, tammetrajlı film-tamaşa) – rejissor, prodüser, aktyor (II paparazzi)
- Bəylik dərsi və ya keçmişdən gülməcələr… (2007, tammetrajlı film-tamaşa) – rejissor, prodüser, aktyor
- Cavid ömrü (2007, tammetrajlı bədii film) – rejissor
- Anarın anları (2008, tammetrajlı sənədli televiziya filmi) – rejissor, prodüser
- Evləri göydələn yar (2010, tammetrajlı film-tamaşa) – rejissor, prodüser, aktyor
- Çinar ömrü (2011, tammetrajlı sənədli televiziya filmi) – rejissor
- Mürafiə vəkillərinin hekayəti (2011, tammetrajlı film-tamaşa) – rejissor, ssenari müəllifi
- Sübhün səfiri (2012, tammetrajlı bədii film) – rejissor
- Kəlağayı (II) (2019, qısametrajlı sənədli televiziya filmi) – prodüser
