rejissor

(19.04.1954 – 02.04.2019)

Rövşən Əziz oğlu Almuradlı (Rövşən Almuradov) Bakıda anadan olub. M.A.Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində (1972-1976), Moskva SSRİ Mədəniyyət Nazirliyi nəzdində Təkmilləşdirmə İnstitutunun ali rejissorluq kursunda (1984-1987) təhsil alıb. Aktyor kimi Tədris Teatrında fəaliyyətə başlayıb. Moskva Dövlət Akademik Satira Teatrında təcrübə keçmişdir. Şəki Dövlət Dram Teatrında aktyor (1976-1980), Sumqayıt Dövlət Dram Teatrında rejissor (1980-1985) kimi çalışıb. Mingəçevir Dövlət Dram Teatrının baş rejissoru olub (1988-1989). 1991-ci ildə Azərbaycan Teatr Xadimləri İttifaqının nəzdində açılan müstəqil “İstiqlal” teatrının bədii rəhbəri olub. Həmin illərdə burada tamaşalara quruluş verib, 1992-ci ildə Gəncə Dövlət Dram Teatrında, 1993-cü ildən Azərbaycan Dövlət Radio və Televiziya Verilişləri Komitəsində rejissor işləyib. 2006-cı ildə Akademik Milli Dram Teatrına quruluşçu rejissor vəzifəsinə qəbul edilib. Rejissor Rövşən Almuradlı 2 aprel 2019-cu ildə vəfat edib.

Rejissor, aktyor Rövşən Almuradlı aktyor Kamal Almuradlının atasıdır.

1. https://teleqraf.com/news/art/94848.html
2. https://kulis.az/xeber/senet/xeber________________________________________-16414
3. https://kaspi.az/az/rvsen-almuradli-hele-menim-zamanim-gelmeyib-fotolar
4. https://www.facebook.com/watch/?v=295737799439287

FILMOQRAFIYA:

1. Hücum (1989, qısametrajlı bədii film) – rejissor
2. Azadlığa gedən yollar (1990, tammetrajlı sənədli film) – rejissor
3. Qəzəlxan (1991, tammetrajlı bədii film) – aktyor
4. Anamın kitabı (1994, tammetrajlı film-tamaşa) – rejissor
5. Qayalarda qalan səs (1995, tammetrajlı film-tamaşa) – rejissor
6. Şəkilçi və şəkilçi (1995, tammetrajlı film-tamaşa) – rejissor
7. Ümid (II) (1995, tammetrajlı bədii film) – əsərindən istifadə olunub
8. Yük (1995, tammetrajlı bədii film) – rejissor
9. Etnoqrafik etüdlər (1996, qısametrajlı sənədli televiziya filmi) – rejissor
10. Kleopatra (1996, tammetrajlı film-tamaşa) – rejissor
11. Yaz yuxusunun işığı (1996, tammetrajlı film-tamaşa) – rejissor
12. Qobustan (III) (1997, qısametrajlı sənədli televiziya filmi) – rejissor, ssenari müəllifi
13. Bəsdir, ağlama! (1999, tammetrajlı bədii film) – rejissor
14. Ünvansız qız (1999, bədii serial) – rejissor
15. Abbas və Gülgəz (2000, sənədli serial) – rejissor
16. Qax abidələri (2001, qısametrajlı sənədli televiziya filmi) – rejissor
17. Qudyalçay (2001, qısametrajlı sənədli televiziya filmi) – rejissor
18. Molla Cümə (2002, qısametrajlı sənədli televiziya filmi) – rejissor
19. Padarçöl (2002, qısametrajlı sənədli televiziya filmi) – rejissor
20. Koroğlu (II) (2003, sənədli serial) – rejissor
21. Şıx ocağının işığı (2003, tammetrajlı sənədli televiziya filmi) – rejissor
22. Cavad xan (2008, tammetrajlı bədii film) – rejissor, aktyor (Kəlbəli xan)
23. Teatral həyat (2009, qısametrajlı bədii film) – aktyor (rejissor)
24. Sonuncu fəsil (2013-2014, bədii serial) – aktyor (Oqtay)