rejissor, ssenarist, rəssam

(13.11.1960)

Şamil Kamil oğlu Nəcəfzadə Bakıda anadan olub. Əzim Əzimzadə adına Rəssamlıq Məktəbində (1978), Ümumittifaq Dövlət Kinematoqrafiya İnstitutunun rəssamlıq fakültəsində təhsil alıb (1984, Mixail Boqdanovun emalatxanası). 1984-cü ildən “Azərbaycanfilm” kinostudiyasında rəssam kimi çalışıb. 1990-cı ildən rejissor kimi fəaliyyətdədir. AzTV “Sabah” Yaradıcılıq Birliyində prodüser (1995-1998), ABA TV-də bədii rəhbər (1999), ANS TV-də baş prodüser (2000) vəzifələrində çalışıb. Cənubi Qafqaz Müstəqil Kino Xadimləri Assosiasiyasınin (İFASC) İdarə Heyətinin üzvü, Beynəlxalq “Qafqaz Sənədli Kino Şəbəkəsi”nin Azərbaycan üzrə təmsilçisi, “Simurq” Studiyasının təsisçisi və direktoru olub. Azərbaycan Dövlət Mədəniyyət və İncəsənət Universitetinin rejissorluq fakültəsində dərs deyib. Əməkdar incəsənət xadimidir (2006). Şamil Nəcəfzadə hazırda ölkə xaricində yaşayır.

Rejissor, rəssam Şamil Nəcəfzadə rəssam Kamil Nəcəfzadə oğludur.

Rejissor, rəssam Şamil Nəcəfzadə rejissor Günel Nəcəfzadənin atasıdır.

1. https://aki.az/samil-n%C9%99c%C9%99fzad%C9%99-60/
2. https://www.amerikaninsesi.org/a/shamil-necefzade/3168685.html
3. https://www.youtube.com/watch?v=Amcw570P1rk
4. https://az.trend.az/azerbaijan/society/1106639.html

FILMOQRAFIYA:

1. Cin mikrorayonda (1985, tammetrajlı bədii film) – rəssam
2. Vətənin yüksək səması altında (1986, qısametrajlı sənədli televiziya filmi) – rəssam
3. Yeni il əhvalatı (1986, animasiya filmi) – rəssam
4. Afroditanın qolları (1987, qısametrajlı bədii film) – rəssam
5. İmtahan (1987, tammetrajlı bədii film) – rəssam, aktyor (Rasim)
6. 1000 il (1989, tammetrajlı sənədli televiziya filmi) – rəssam
7. Təxribat (1989, tammetrajlı bədii film) – rəssam
8. İthaf (II) (1990, animasiya filmi) – rejissor, ssenari müəllifi, rəssam
9. Ağ-qara dünya (1991, qısametrajlı sənədli film) – rejissor
10. Ac həriflər (1993, tammetrajlı film-tamaşa) – aktyor (ingiliscə danışan azəri)
11. Ağa, cəddinə qurban (1993, qısametrajlı sənədli film) – rejissor
12. Gün keçdi… (1994, qısametrajlı sənədli film) – rejissor
13. Pirə qayıdan yol (1994, qısametrajlı sənədli televiziya filmi) – rejissor, ssenari müəllifi
14. Sonra – sabah (1994, qısametrajlı sənədli film) – rejissor, ssenari müəllifi, rəssam
15. Kral ölür (1995, tammetrajlı film-tamaşa) – rejissor, ssenari müəllifi, rəssam
16. Yarasa (1995, tammetrajlı bədii film) – rəssam
17. 36 kadr (1996, qısametrajlı bədii film) – prodüser
18. Leyli və Məcnun (III) (1996, tammetrajlı film-tamaşa) – rejissor, ssenari müəllifi, rəssam
19. Dad yaddaşı (1996-1997, qısametrajlı sənədli film) – rejissor, ssenari müəllifi
20. Ailə (1998, tammetrajlı bədii film) – rəssam, aktyor (alıcı)
21. Hotdoq (1998, qısametrajlı bədii film) – rejissor, ssenari müəllifi, rəssam
22. 102 an (2000, qısametrajlı sənədli televiziya filmi) – rejissor, ssenari müəllifi
23. Ağ kətandakı adam (2000, tammetrajlı sənədli film) – rejissor, ssenari müəllifi, prodüser
24. Uşaqlara xas olmayan əhvalatlar (2000, qısametrajlı sənədli film) – rejissor
25. Zəvvar (2002, qısametrajlı sənədli film) – rejissor, ssenari müəllifi
26. Qısa monoloqlar (2003, qısametrajlı sənədli film) – rejissor, ssenari müəllifi
27. Əmanət (2004, qısametrajlı sənədli film) – rejissor, ssenari müəllifi, prodüser
28. Səma şairi (2004, qısametrajlı sənədli film) – rejissor
29. Qala (2008, tammetrajlı bədii film) – rejissor, ssenari müəllifi, prodüser
30. Bəşəriyyətin beşiyi (2011, qısametrajlı sənədli film) – rejissor, ssenari müəllifi
31. Üfüqü ötənlər (2011, tammetrajlı sənədli film) – rejissor
32. Sirli bənövşə (2013, qısametrajlı sənədli film) – rejissor, ssenari müəllifi
33. Müharibə uşaqları (2014, qısametrajlı sənədli film) – rejissor, ssenari müəllifi
34. Sevinc bəxş edən insan (2014, qısametrajlı sənədli film) – ssenari müəllifi
35. Azərbaycan mətbəxi: dadsonrası dad (2015, qısametrajlı sənədli film) – rejissor, ssenari müəllifi