Vasif Babayev

rejissor

(16.09.1940)

Vasif Hacıağa oğlu Babayev Bakıda anadan olub. M.A.Əliyev adına Azərbaycan Dövlət Teatr İnstitutunda (1958-1965), Leninqrad Televiziyası nəzdində Ali Televiziya rejissoru kurslarında (1966) təhsil alıb.

Azərbaycan Dövlət Televiziya və Radio Verilişləri Komitəsində əvvəlcə rejissor köməkçisi, sonra rejissor assistenti, rejissor (1964-1969), baş rejissor (1969-1991), bədii rəhbər (1991-1994) işləyib. “MİR” Dövlətlərarası Teleradio Şirkətinin Azərbaycan filialının direktoru (1994-1995), “SARA” Müstəqil Teleradio Şirkətinin icraçı direktoru (1996-1999), Moskvada Rusiyanın “İnter-AZ” Müstəqil Teleradio şirkətinin vitse-prezidenti (2001-2006) olub. Onlarla geniş formatlı “Yeni il: Mavi işıq” adlı televiziya proqramları və bayram verilişlərinin quruluşçu rejissoru olub (1969-1987).

Jurnalist Nadejda İsmayılova ilə birlikdə kino və televiziya tarixində ilk dəfə olaraq Sovet Azərbaycanı DTK-nın arxivində araşdırmalar apararaq, “Mikayıl Müşfiq”, “Abbas Mirzə Şərifzadə”, “Ülvi Rəcəb”, Ruhulla Axundov“, “Hüseyn Rəhmanov”, “Salman Mümtaz” kimi “siyasi məhbuslar”ın şəxsi işləri əsasında bir sıra silsilə verilişlərin hazırlanmasına yol açıb (1987).

1969-1982-ci illərdə Heydər Əliyevin iştirakı ilə keçirilən vacib dövlət və hökümət tədbirlərinin, televiziya verilişlərinin, translyasiyaların və canlı yayımlanan proqramların aparıcı rejissoru olub. Ümummilli Lider Heydər Əliyevin televiziya və kino salnaməsinin yaradıcılarından biridir.

1972-1987-ci illərdə SSRİ Mərkəzi Televiziyasından İnterviziya sistemi ilə Avropaya, sosialist dövlətlərinə yayımlanan iki saatlıq Azərbaycan haqqında filmlərin müəllifi və rejissoru olub.

Müxtəlif televiziya kanallarında yayımlanan yazıçılar, şairlər, bəstəkarlar, rəssamlar haqqında silsilə verilişlərin, “Hər çinardan bir yarpaq”, “Mahnı şəhəri gəzir”, “Caz monoloqu”, “Arzular” musiqi poçtu, “Dalğa”, “Görüşlər, xatirələr”, “Şənbədən şənbəyə”, “Drujba studiyası”, “24 saat”, “Asiman”, “Nəğməli bağ”, “17-ci mərtəbə”, “Şans bazarı”, “Korifeylər”, “Arzular, təbriklər”, “Şurum-burum”, “Rezonans”, “Həftə”, “Yeddi gün”, “Kontakt”, “Sara-xəbər”, “Dedim-dedi”, “İnter-Diaspora” verilişlərinin rejissoru olub.

1967-1992-ci illərdə Bolqarıstan, Yuqoslaviya, Avstriya, Macarıstan, Yunanıstan, Türkiyə, Malta, İspaniya, Fransa, İtaliya, İran kimi xarici ölkələrdə çəkilişlər apararaq, verilişlər və kinofilmlər hazırlayıb.

40-dan çox sənədli filmin müəllifi və rejissorudur.

Filmlərinə görə müxtəlif beynəlxalq və Ümumittifaq festivalların mükafatlarına layiq görülüb:

  1. “Sahil bağı” filminə görə “Prometey 67” Zona Kinofestivalında debüt nominasiyası üzrə mükafata (1967, Kiyev), 1-ci Ümumittifaq televiziya filmləri festivalında münsiflər heyətinin mükafatı (1968, Moskva)
  2. “Qızıl güllər diyarı” filminə görə “Prometey-69” Kinofestivalında diplomu (1969, Tbilisi).
  3. “Sovet Azərbaycanı” filmi Ümumittifaq Telefilmlər Festivalında SSRİ Jurnalistlər İttifaqının Mükafatı (1977, Leninqrad).
  4. “Şəki” filmi Ümumittifaq Telefilmləri Festivalında Naxodka şəhərinin mükafatı (1978, Vladivostok).
  5. “Xuraman” filmi Ümumittifaq Telefilmləri Festivalında Azərbaycan kino tarixində ilk dəfə olaraq Böyük mükafat – “Qrand-Prix” alıb (1979, Bakı).
  6. “Azərbaycan iri addımlarla irəliləyir” filmi isə həmin Festivalda Münsiflərin xüsusi mükafatına layiq görülüb.
  7. “Həqiqətin anı” filmi Ümumittifaq Telefimləri Festivalında diplom alıb (1985, Kiyev).
  8. Müxtəlif festivallarda münsiflər heyətinin və ekspert komissiyalarının üzvü kimi fəaliyyət göstərib: Vladivostokda (1978), Bakıda (1979), İrəvanda (1981), Alma-Atada (1983), Kiyevdə (1985) keçirilən Ümumittifaq Festivallarında jüri üzvü kimi fəaliyyət göstərib.
  9. Yurmalada “İnsan və dəniz” Beynəlxalq KinoFestivalında Azərbaycanı təmsil edib (1987).
  10. I Beynəlxalq Audiovizual Film Festivalının (2001), Gənclərin ekologiya mövzusunda II Ümumrespublika Teatr Festivalının (2012), Bakı Beynəlxalq Turizm Filmləri Festivalının (2013, 2014), “Azərbaycan ailəsi” Film Festivalının (2014), “Qızıl Pəri” Kino Akademiyası Peşə Mükafatı üzrə (2018) münsiflər heyətinin, Azərbaycan Respublikası Mədəniyyət və Turizm Nazirliyinin “Bu meydan, bu ekran” kino müsabiqəsinin ekspert komissiyasının (2007-2011) üzvü olub.
  11. Azərbaycan SSR Ali Sovetinin Fəxri Fərmanı ilə təltif edilib (1967). “SSRİ Televiziya və Radio Əlaçısı”dır (1981).
  12. “MİR” Dövlətlərarası Teleradio Şirkətinin Azərbaycan Nümayəndəliyinin direktoru işləyərkən, nümayəndəlik beynəlxalq “Humay” mükafatına layiq görülüb (1994).
  13. “Akademik Yusuf Məmmədəliyev” medalı ilə təltif olunub (1999).
  14. Rusiya Əməkdaşlıq Təşkilatının Fəxri Fərmanı ilə (2015),
  15. “Yüksəliş” filminə görə Azərbaycanın Rusiya Federasiyasındakı Səfirliyinin Diplomu ilə (2015) təltif edilib.
  16. “Simurq” Azərbaycan Mədəniyyəti Assosiasiyası tərəfindən Azərbaycan mədəniyyətinin inkişafındakı xidmətlərinə görə “Mədəniyyət səfiri” fəxri adına layiq görülüb (2016).
  17. Azərbaycan Respublikası Mədəniyyət Nazirliyinin “Milli kino sahəsindəki çoxillik əməyinə və göstərdiyi xidmətə görə” Fəxri Fərmanı ilə (2018),
  18. Milli Qəhrəman Çingiz Mustafayev adına Fond tərəfindən “Ölkənin tərəqqisi naminə göstərdiyi əhəmiyyətli və əvəzsiz xidmətlərə görə” Diplomla (2018) təltif edilib.
  19. Azərbaycan Kino Akademiyasının “Milli televiziyanın inkişafına verdiyi töhfələrinə görə” nominasiyası üzrə “Qızıl Pəri” Peşə mükafatına layiq görülüb (2018).

 

Beynəlxalq Televiziya və Radio Akademiyasının akademiki, Azərbaycan Respublikası Prezidentinin fərdi təqaüdçüsüdür. Azərbaycan Kinematoqrafçılar İttifaqının (1973), Azərbaycan Professional Kinorejissorlar Gildiyasının (2000) üzvüdür. Azərbaycan Respublikasının Əməkdar artisti (1977), Xalq artistidir (1989). Azərbaycanın “Xalq artisti” fəxri adına Respublikada layiq görülmüş ilk televiziya rejissorudur.

Rejissor Vasif Babayev rejissor Arif Babayevin qardaşıdır.

  1. http://az.baku-art.com/az/xalq-artisti-gorkemli-televiziya-ve-kinorejissoru-vasif-babayev
  2. https://www.gunaydin.az/news/5524
  3. http://anl.az/down/meqale/adalet/2010/sentyabr/133400.htm
  4. http://www.anl.az/down/meqale/525/2015/sentyabr/454746.htm
  5. https://teleqraf.com/news/art/70147.html
  6. https://www.arki.az/az/news/594/xalq-artisti-vasif-babayevin-80-illik-yubileyidir
  7. https://www.youtube.com/watch?v=9eyuFuV3y7E
  8. https://rafaelhuseynov.com/az/vm/162

FILMOQRAFIYA:

  1. Bakı beş dəniz limanıdır (1967, qısametrajlı sənədli televiziya filmi) – rejissor
  2. Qızıl güllər diyarı (1967, qısametrajlı sənədli televiziya filmi) – rejissor
  3. Odlar torpağı (1967, qısametrajlı sənədli televiziya filmi) – rejissor
  4. Sahil bağı (1967, qısametrajlı bədii film) – rejissor
  5. Sovet Azərbaycanı (III) (1972, tammetrajlı sənədli televiziya filmi) – rejissor
  6. Zirvə buludu (1972, qısametrajlı sənədli televiziya filmi) – rejissor
  7. Əgər bir yerdəyiksə (1975, tammetrajlı bədii film) – aktyor (rejissor)
  8. Ənənələrə sadiq (1975, qısametrajlı sənədli televiziya filmi) – rejissor
  9. Sovet Azərbaycanı yeni nailiyyətlərə (1975, qısametrajlı sənədli televiziya filmi) – rejissor
  10. Yaddaşdan xatirələr (1975, qısametrajlı sənədli televiziya filmi) – rejissor
  11. Bakı – Tümen (1976, qısametrajlı sənədli televiziya filmi) – rejissor
  12. Onuncu beşillik. Birinci il (1976, qısametrajlı sənədli televiziya filmi) – rejissor
  13. Onuncu beşillik. İkinci il (1977, qısametrajlı sənədli televiziya filmi) – rejissor
  14. Sovet Azərbaycanı (IV) (1977, qısametrajlı sənədli televiziya filmi) – rejissor
  15. Şəki (II) (1977, qısametrajlı sənədli televiziya filmi) – rejissor
  16. Xuraman (1978, qısametrajlı sənədli televiziya filmi) – rejissor
  17. Onuncu beşillik. Üçüncü il (1978, qısametrajlı sənədli televiziya filmi) – rejissor
  18. Azərbaycan iri addımlarla addımlayır (1979, qısametrajlı sənədli televiziya filmi) – rejissor
  19. Onuncu beşillik. Dördüncü il (1979, qısametrajlı sənədli televiziya filmi) – rejissor
  20. Sovet Azərbaycanı (V) (1980, qısametrajlı sənədli televiziya filmi) – rejissor
  21. Onuncu beşillik. Beşinci il (1981, qısametrajlı sənədli televiziya filmi) – rejissor
  22. Partiyanın canlı sözü (1981, qısametrajlı sənədli televiziya filmi) – rejissor
  23. Qızılı yamaclar (1982, qısametrajlı sənədli televiziya filmi) – rejissor
  24. Meksika görüşləri (1982, qısametrajlı sənədli televiziya filmi) – rejissor
  25. On birinci beşillik. Birinci il (1982, qısametrajlı sənədli televiziya filmi) – rejissor
  26. Sovet Azərbaycanı, yeni uğurlara (1982, qısametrajlı sənədli televiziya filmi) – rejissor
  27. İçəri şəhər – əbədi nağıl (1983, qısametrajlı sənədli televiziya filmi) – rejissor
  28. On birinci beşillik. İkinci il (1983, qısametrajlı sənədli televiziya filmi) – rejissor
  29. Yaxşı yol, Azərbaycan (1983, qısametrajlı sənədli televiziya filmi) – rejissor
  30. Həqiqətin anı (1984, qısametrajlı sənədli televiziya filmi) – rejissor
  31. On birinci beşillik. Üçüncü il (1984, qısametrajlı sənədli televiziya filmi) – rejissor
  32. On birinci beşillik. Dördüncü il (1984, qısametrajlı sənədli televiziya filmi) – rejissor
  33. Sovet Azərbaycanı, zaman və insanlar (1985, qısametrajlı sənədli televiziya filmi) – rejissor
  34. Avstriya Azərbaycanın gözü ilə (1986, qısametrajlı sənədli televiziya filmi) – rejissor
  35. Nəbi Xəzri (1987, qısametrajlı sənədli televiziya filmi) – rejissor
  36. Sovet Azərbaycanı haqqında monoloqlar (1987, qısametrajlı sənədli televiziya filmi) – rejissor
  37. Kərim Kərimov (1988, qısametrajlı sənədli film) – rejissor
  38. Xahiş edirəm, hazırlıq haqqında məlumat verin (1989, tammetrajlı sənədli televiziya filmi) – rejissor
  39. On il keçmiş (1989, qısametrajlı sənədli televiziya filmi) – rejissor
  40. Fransa görüşləri (1990, qısametrajlı sənədli televiziya filmi) – rejissor
  41. Quşlar üçün tələ (1999, qısametrajlı sənədli televiziya filmi) – rejissor
  42. Seçim (1999, qısametrajlı sənədli televiziya filmi) – rejissor
  43. Birlikdə (2000, qısametrajlı sənədli televiziya filmi) – rejissor
  44. Ot kökü üstə bitər (2002, qısametrajlı sənədli televiziya filmi) – rejissor
  45. Yüksəliş (2015, tammetrajlı sənədli film) – rejissor, ssenari müəllifi, prodüser
  46. Dəmirin yolu (2017, qısametrajlı sənədli film) – məsləhətçi
Əlaqə:050 347 51 10
Ünvan:-