Şahirə Mansur qızı Tacəddin 26 mart 1963-cü ildə Zaqatalada anadan olub. 1985-ci ildə Azərbaycan Dövlət İncəsənət İnstitutunun rejissorluq fakültəsini bitirib. Bir müddət Binəqədi rayonu Mədəniyyət Evində “Xalq Teatrı”nın rəhbəri olub. 1989-1999-cu illərdə “Azərbaycanfim” kinostudiyasında rejissor, 1999-cu ildən isə Azərbaycan Professional Kinorejissorlar Gildiyasının icraçı direktoru və mətbuat katibi vəzifələrində çalışıb. 2007-ci ildə “Film” nProdüser Mərkəzinin direktoru təyin edilib. 2009-cu ildən Azərbaycan Professional Kinorejissorlar Gildiyasının İdarə Heyətinin üzvü seçilib. Hazırda Gildiyanın direktoru vəzifəsində çalışır. Bir çox beynəlxalq festivalların və konfransların iştirakçısıdır.

Rejissor, prodüser Şahirə Tacəddin aktrisa Dəniz Tacəddinin anasıdır.

FİLMOQRAFİYA:

1. “Yapon və yaponiyalı” – qısametrajlı bədii film, 1990 – rejissor assistenti
2. “Zirzəmi” – tammetrajlı bədii film, 1990 – rejissor assistenti, aktrisa (Stella)
3. “Təbəssüm” – bədii film, 1994 – quruluşçu rejissor
4. “Xəzər gəlini” – bədii film, 2005 – icraçı prodüser
5. “Süni bənövşələr” – bədii-musiqili film, 2006 – icraçı prodüser
6. “O günləri seyr edərkən” – sənədli film, 2007 – icraçı prodüser
7. “Azərbaycan Film Comission” – layihə, 2005 – icraçı prodüser
8. “Muğamın ekranlaşdırılması” – layihə, 2006 – icraçı prodüser
9. “Müəllif hüquqlarının monitorinqi” – layihə, 2009 – icraçı prodüser
10. “Beynəlxalq Audiovizual Festival” – layihə, 2001-2008 – icraçı prodüser
11. “Həvəskar Film Festivalı” – 2005-2007, layihənin müəllifi və rəhbəri
12. “Səssiz filmlərimizə yeni nəfəs” – layihə, 2011 – icraçı prodüser