Anar Rəsul oğlu Rzayev (Anar) Bakıda anadan olub. Azərbaycan Demokratik Respublikasının ilk Səhiyyə Naziri və Gəncə şəhərinin general-qubernatoru olan Xudadat bəy Rəfibəylinin nəvəsidir. 10 illik musiqi məktəbində (1946-1955, indiki Bülbül adına məktəb), Azərbaycan Dövlət Universitetinin filologiya fakültəsində (1964), Moskvada Ali rejissorluq və ssenaristlər kursunda (1970-1972) təhsil alıb. Ədəbi fəaliyyətə 1952-ci ildə başlayıb. 1980-ci ildə “Şəhərin yay günləri” pyesinə görə Dövlət Mükafatı alıb. Bir neçə şeiri də var. Sözlərinə mahnılar bəstələnib. Şekspirin “Fırtına”, B.Brextin “Qalileo Qaliley” pyeslərini, R.Taqorun “Bağban” mənsur şeirlərini, A.Blokun, V.Mayakovskinin, S.Yeseninin, B.Pasternakın şeirlərini azərbaycan dilinə çevirib. Azərbaycanın bütün teatrlarında pyesləri tamaşaya qoyulub, Moskvada Miniatür Teatrında, Kazanın, Kişinyovun Akademik Dövlət Teatrlarında, Daşkənddə Mukimi Teatrında, habelə Polşada, Bolqarıstanda, Ermənistanda, Türkmənistanda, Qırğızıstanda, Rusiya şəhərlərində də oynanılıb. 1991-ci ildə Müstəqil Azərbaycanın Milli Məclisini ilk iclasını açmaq, aparmaq şərəfi Anara verilib. 1995-ci və 2000-ci illərdə Milli Məclisinin üzvü seçilib. Məclisdə mədəniyyət komissiyasının sədrliyini həyata keçirib. Azərbaycan Respublikası Konstitusiya Komissiyasının üzvüdür. Azərbaycan Yazıçılar Birliyinin sədridir (1991-ci ildən). Ssenarisi və əsərləri əsasında xarici kinematoqrafçıların “Hər axşam saat on birdə” (1969, rejissor Samson Samsonov / Rusiya), “Köhnə aktyor” (2004, rejissor Fevzi Tuna), “Və telefon” (Türkiyə) filmləri çəkilib. Əməkdar incəsənət xadimi (1976), Xalq yazıçısıdır. Azərbaycan Dövlət mükafatı, “İstiqlal” (1998), “Şöhrət”, “Şərəf” ordenləri laureatı, “Heydər Əliyev Mükafatı”, “Humay” mükafatı, Azərbaycan Respublikası Prezidentinin fəxri diplomu ilə təltif edilib.

Yazıçı Anar Rzayev şair Rəsul Rzanın və şair Nigar Rəfibəyli oğludur.

Anar Rzayevin rəsmi saytı: www.anar.az

1. https://www.youtube.com/watch?v=2U_QruyqoxE
2. https://www.youtube.com/watch?v=BVnpR9oRv0Q
3. https://kulis.az/xeber/senet/xeber___________________________________-5992
4. https://ona.az/az/medeniyyet/anar-32-ildir-yazicilar-birliyinde-ne-eziyyet-cekirem-bir-allah-bilir-29303
5. https://modern.az/fotosohbet/16680/xalq-yazicisi-anar-fotolarda/
6. https://525.az/news/207294-xalq-yazicisi-anar-ve-genc-yazici-anar-trzayevle-gorus-kecirilib
7. https://news.milli.az/culture/102778.html
8. https://1news.az/az/news/20220623053110435-Anar-Rzayev-Resul-Rzanin-butun-eshyalarini-qoruyub-saxlamishiq
9. https://kayzen.az/blog/poeziya/25911/ya%C5%9Famaq-haqq%C4%B1n%C4%B1-haqq-ed%C9%99n-yaz%C4%B1%C3%A7%C4%B1-anar-rzayev.html

FILMOQRAFIYA:

1. Dəniz (1965, qısametrajlı sənədli film) – ssenari müəllifi
2. Qobustan (1967, qısametrajlı sənədli film) – ssenari müəllifi
3. Dəniz. Od. Səma. (1967, tammetrajlı bədii film) – ssenari müəllifi
4. Bu, Səttar Bəhlulzadədir (1969, qısametrajlı sənədli televiziya filmi) – ssenari müəllifi
5. Abşeron ritmləri (1970, tammetrajlı sənədli film) – mahnı mətni müəllifi
6. Gün keçdi (1971, tammetrajlı bədii film) – ssenari müəllifi, əsərindən istifadə olunub
7. Nəsimi (1971, qısametrajlı sənədli film) – ssenari müəllifi
8. Xatirələr sahili (1972, tammetrajlı bədii film) – aktyor (redaksiya işçisi)
9. Var olun, qızlar (1972, tammetrajlı bədii film) – aktyor (Murad)
10. Daş saat (1975, qısametrajlı sənədli film) – ssenari müəllifi
11. Dədə Qorqud (1975, tammetrajlı bədii film) – ssenari müəllifi
12. Gecə müsahibi (1975, tammetrajlı film-tamaşa) – ssenari müəllifi
13. Daşlar danışanda (1976, qısametrajlı sənədli film) – ssenari müəllifi
14. Dindirir əsr bizi (1976, tammetrajlı film-tamaşa) – ssenari müəllifi
15. Dantenin yubileyi (1978, tammetrajlı bədii film) – rejissor, ssenari müəllifi, əsərindən istifadə olunub, aktyor (tamaşaçı)
16. Ötən ilin son gecəsi (1978, tammetrajlı film-tamaşa) – ssenari müəllifi, əsərindən istifadə olunub
17. Üzeyir ömrü (1981, tammetrajlı bədii film) – rejissor, ssenari müəllifi
18. Evləri köndələn yar (1982, tammetrajlı film-tamaşa) – ssenari müəllifi
19. Elin sazı, elin sözü (1983, qısametrajlı sənədli film) – ssenari müəllifi
20. Ötən ilin son gecəsi (II) (1983, tammetrajlı bədii film) – ssenari müəllifi, əsərindən istifadə olunub
21. Qəm pəncərəsi (1986, tammetrajlı bədii film) – rejissor, ssenari müəllifi
22. Bu, Mircavaddır (1987, qısametrajlı sənədli televiziya filmi) – ssenari müəllifi
23. İmtahan (1987, tammetrajlı bədii film) – ssenari müəllifi, əsərindən istifadə olunub
24. Basatın igidliyi (1988, animasiya filmi) – ssenari müəllifi
25. Əlaqə (1989, tammetrajlı bədii film) – ssenari müəllifi, əsərindən istifadə olunub
26. Təhminə (1993, tammetrajlı bədii film) – ssenari müəllifi, əsərindən istifadə olunub
27. Beşmərtəbəli evin altıncı mərtəbəsi (1996, tammetrajlı bədii film) – əsərindən istifadə olunub
28. Nigarançılıq (1998, tammetrajlı film-tamaşa) – ssenari müəllifi
29. Otel otağı (1998, tammetrajlı bədii film) – ssenari müəllifi, əsərindən istifadə olunub
30. Dədə Qorqud dünyası (2000, qısametrajlı sənədli film) – ssenari müəllifi
31. “Dirsə xan oğlu Buğac” boyu (2000, tammetrajlı film-tamaşa) – ssenari müəllifi
32. Salur Qazanın evi talandığı boy (2001, tammetrajlı film-tamaşa) – ssenari müəllifi
33. Tilsim (2005, tammetrajlı bədii film) – əsərindən istifadə olunub
34. Cavid ömrü (2007, tammetrajlı bədii film) – ssenari müəllifi, bədii rəhbər
35. Çinar ömrü (2011, tammetrajlı sənədli televiziya filmi) – ssenari müəllifi
36. Sübhün səfiri (2012, tammetrajlı bədii film) – ssenari müəllifi
37. Təqib (II) (2012, tammetrajlı bədii film) – ssenari müəllifi, əsərindən istifadə olunub